"اللي بيعاتب الرخيص بيرخص"... هيك قالت ستي...
- منوعات
- Zeinab
- 05:19 pm - يناير 06 , 2025
للأجداد مع الامثال قصة طويلة، فهم يحفظونها ويتداولوها في يومياتهم كدستور وقانون اجتماعي، يغمزون بها لايصال رسالة معينة، ومنها:
-البخيل متل الكديش بيحمل ذهب وبياكل حشيش
-خايف هزك يا غربالي يوقع منك كل عزيز وغالي
-اللي بيعاتب الرخيص بيرخص
-اللي بقلبي علساني واللي مش عاجبو ينساني
-مش كل ورد خلق للشم ولا كل البشر بتنفدى بالدم
-لا تضرب وتغمق الجرح مابعد العداوة إلا الصلح
-ناموا عندي ليلة فكرو حالهم من العيلة
-بنت الأصل بتخلي كوخها قصر
-الله يخلينا بعقولنا لوقت نوصل لقبورنا
-لما الكلب يشوف اللحمة مابقا يعبي عينو العجين
-يلي بيفشخ أكبر من فشختو بيوقع وبتنفك رقبتو
-حسدونا على ضحكتنا حتى إجت الأيام وأخدوها
-ماصفي حدا صالح معظم الناس مصالح
-ناس من لحمك ودمك باعوك لا تلوم يلي مبارح عرفوك
-مش كل يلي بيحكي فهيم ولا كل يلي بيسكت بهيم
-دروس الحياة مش ببلاش دافعين تمنها من عمرنا كاش
-كله ماشي بألف وش والقلوب مليانه غش
-الله يكفينا شر من رحب فينا وهلا ومن ورانا حكى علينا وما خلا
-اشكي لربك ونام ولا تشكي لبني آدم وتنهان
-الدنيا بالضيق بتورجيك مين ببيعك ومين بيشتريك
-الغربة متل الحمام العمومي... اللي برا حيموت ليدخل، والي جوا مش طايق الريحة
-شيل الريحانة وشمها وخود البنت على ريحة أمها
| لمتابعة أهم وأحدث الأخبار انضموا إلينا عبر قناتنا على واتساب (channel whatsapp) .اضغط هنا
نسخ الرابط :
