أطلت الفنانة المصرية بتول الحداد مُنهارة وهي تبكي في فيديو نشرته على حسابها على تطبيق انستغرام تستغيث فيه من تعرضها للضرب والإهانة والابتزاز من برلماني سابق، وقالت: "عايز يتجوزني غصب عني وأنا رافضة".

وقالت: "أنا بتول الحداد، بكل أسف بيتعرض لي شخص كان نائب سابق في مجلس الشعب، مش قادرة أقول اسمه عشان ميبقاش سب وقذف، بعد كل اللي بيحصل فيا ده." 

 

 

 

وتابعت: "كنت باحبه سنتين وهوا بيحبني، وكنت دايما بارجع وأقول أنه مينفعش وإنه مش هينفع، اتفقت أنا وهوا إننا منكملش عشان مش هينفع.. جالي خطوبة اتنين من أصدقائي وعملي مشكلة والناس لما شافوه بياخدني من وسطهم اتخانقوا معاه وأنا نزلت جري قعدت في عربيتي عشان مش عارفة أروح فين.. وعشان خايفة أروح بيتي وخايفة على نفسي على أصحابي كلمته قلت له لو عندك مشكلة معايا تعالى حلها معايا وبلاش فضايح قدام الناس أنا معروفة وأنت معروف وبلاش تعمل كده ضربني في العربية وشي وارم ورقبتي وارم لدرجة أن الناس بتوع البركينج شالوه من فوقي قبل ما يموتني".

 

 

وأكملت: "أنا بأعمل اللايف ده بناء على نصيحة حد أعرفه كويس قال لي ده اللي هينقذك، أنا لا عايزة أعمل لايف ولا عايزة فضايح لنفسي ولا لحد، بس أنا لو حصل لي حاجة أو شركتي حصلها أو صحابي او أهلي حصلهم حاجة هيبقى الإنسان ده هوا السبب."

وختمت بالقول: "أنا مش عارفة أروح فين ولا آجي منين ولا قادرة أروح بيتي لأنه لما بيعرف أنا فين بيروح المكان وبيعمل مشاكل ودي مش أول مرة من سنة عمل كده وضربني في الشارع والناس حاشوه عني".