ستريدا جعجع: سنصلي الاحد على نيّة لبنان السيد الحر المستقل
- محلي
- Icon News
- 08:14 pm - سبتمبر 04 , 2020
كتبت عضو تكتل "الجمهورية القوية" النائبة ستريدا جعجع عبر صفحتها على فيسبوك": ما راحوا لأنا باقيين،
استشهدوا بس منوعدن إنو مكملين،
كملنا رغم الوصاية السورية،
كملنا رغم الضغوطات والتهديد،
كملنا بالرغم من الاعتقالات،
واليوم مكملين أكتر من اي وقت مضى.
انفجار بيروت ما رح يركع لا العاصمة ولا اللبنانيين،
نهار الاحد رح نقدم القداس على نية كل الشهدا اللي سقطوا من اجل لبنان ال 10452 كلم2.
رح نصلي نهار الاحد على نية لبنان السيد الحر المستقل، لبنان الدولة القوية، لبنان يللي بيشوفوا فيه اللبنانيين مستقبل ولادن على كافة المستويات....
لبنان الكهربا، لبنان اللي ما فيه تلوث، لبنان فرص العمل، من دون ما يتسكع الاهل على ابواب الزعماء.
العزة والكرامة والخلود لشهدائنا الابرار.
صلولنا حتى نكمل مشوارنا الطويل".
| لمتابعة أهم وأحدث الأخبار انضموا إلينا عبر قناتنا على واتساب (channel whatsapp) .اضغط هنا
نسخ الرابط :
