رانيا يوسف: بنتي اتعرضت للتحرش قدامي وبقى بيجيلى كوابيس (فيديو)

رانيا يوسف: بنتي اتعرضت للتحرش قدامي وبقى بيجيلى كوابيس (فيديو)

Whats up

Telegram

قالت النجمة رانيا يوسف، مساء الأحد، إنها تعرضت للتحرش هي وابنتها الكبرى منذ فترة قصيرة، ما سبب لها مشاكل نفسية.

أضافت يوسف، خلال حوارها مع الإعلامية إيمان الحصري، مقدمة برنامج "مساء DMC" عبر قناة Dmc، "لما حصلي كده اتوجعت أوي وبقى بيجيلى كوابيس، وبقى يحصلي مشكلة في الأماكن الزحمة، ومع الناس اللي معرفهاش وابقى مخضوضة منها، وده على نفسيتي أوي".

تابعت: "اللي أثر على نفسيتي أكتر إن بنتي كانت معايا في الموقف ده واتعرضت قدامي لما تعرضت له، فحسيت بالذنب إني معرفتش أحميها، ولازم إحنا كستات نقف مع بعض وكله يتكلم ويقول وميخفش، المتحرش جبان لأنه بيعمل حاجة في السر، عشان كده الحل إننا نفضح المتحرش عشان يبطل ويراجع نفسه، وعشان كده بدأت أنزل صور المتحرشين".

واصلت: "مفيش مبرر للتحرش حتى لو كانت البنت قالعة، الحياة لو بقت فوضى هنعيش في مصيبة، ولازم يكون في عقاب رادع لأي حد يتحرش ببنت، وكفاية إننا وصلنا لأن يكون عندنا متحرشين بأطفال".

ومن جانب آخر، تواصل رانيا يوسف حاليا تصوير الجزء الثاني من مسلسل "الآنسة فرح"، ويشاركها بطولته النجوم: أسماء أبو اليزيد، أحمد مجدي، محمد كيلاني، عارفة عبد الرسول وهبة عبد العزيز وتامر فرج، سيناريو وحوار محمود عزت وعمرو مدحت، ومن إخراج أحمد الجندي ووائل فرج.

كما انتهت رانيا يوسف من تصوير مشاهدها في مسلسل "شارع 9"، بمشاركة النجوم: أحمد وفيق، ومحمود عبدالمغني، ونرمين الفقي، وإيمان العاصي، وهدى الأتربي، والمخرج محمد عبدالخالق، والسيناريست حسين مصطفى محرم.

 

 

اذا كنت ترغب بمتابعة اخبار موقع " icon News" اضغط على الرابط التالي :

نسخ الرابط :

(يلفت موقع “iconnews ” انه غير مسؤول عن النص ومضمونه، وهو لا يعبّر إلا عن وجهة نظر كاتبه أو مصدره)

:شارك المقال على وسائل التواصل الإجتماعي

Whats up

Telegram