ندى البستاني لوزير الطاقة: "هيدا الأسلوب ما بيمشي معنا!"
كتبت النائبة ندى البستاني على حسابها عبر منصة "اكس": "الكل تعلّم من التجارب السابقة معنا، وملفاتنا بالطاقة خضعت لتحقيقات قضائية وأُقفلت بعد ثبوت الافتراءات. التدقيق الجنائي بلّش بعهد الرئيس ميشال عون، وكان ورح يبقى مطلبنا، بدءًا من وزارة الطاقة والمياه وصولًا لكل الوزارات، ومن جهة محايدة، ويكون شامل المرحلة الحالية وكل يلّي عم يتداول وينحكى حول صفقات الفيول".
وتوجهت البستاني في المنشور الى وزير الطاقة جو الصدي قائلةً: "اذا القصد من هالكلام تهديدنا لإسكاتنا عن فضح فشلكن هيدا اسلوب ما بيمشي معنا!! مش خايفين من شي وما عنا شي نخبّيه، ورافعين السرية المصرفية عن كل حساباتنا، وسبق ومثلنا بكل التحقيقات. بدل السجالات، المطلوب خطة علمية تشرح أسباب عدم تحقيق وعد الـ24 ساعة خلال 6 أشهر، وتقدّم حلول واقعية لتحسين التغذية. وساعتها منكون أوّل الداعمين!".
| لمتابعة أهم وأحدث الأخبار انضموا إلينا عبر قناتنا على واتساب (channel whatsapp) .اضغط هنا
نسخ الرابط :
