أخبار
ظهور مفاجئ لابنة نيكول سابا يشعل السوشيال ميديا ويضيف سحرًا خاصًا لكليب «تلج تلج» (صور)
النجمة اللبنانية قلبت السوشيال ميديا بعد ما طرحت أغنيتها الجديدة ، تلج تلج، واللي نزلت في توقيت مثالي مع أجواء الكريسماس، ونجحت من أول لحظة إنها تلفت الانتباه وتدخل مزاج الناس بالبهجة والفرحة
بس المفاجأة الحقيقية مش في الأغنية بس، المفاجأة كانت في أول ظهور لابنة نيكول سابا في فيديو كليب الأغنية ،ظهور غير متوقع تمامًا، خصوصًا إن نيكول معروفة إنها طول عمرها حريصة تبعد بنتها عن الأضواء والإعلام، وفجأة قررت تطلعها لأول مرة قدام الجمهور
ظهور بنتها لفت القلوب قبل ما يلفت الأنظار وبساطة خلت ناس كتير تقول إنها نسخة تجمع بين ملامح باباها وماماتها، وده خلى التعليقات تنهال على السوشيال ميديا، واسم بنت نيكول سابا يدخل الترند بسرعة البرق
نيكول سابا اختارت إطلالة كاجوال شتوي على مزاج الكريسماس، ونسقت لبسها مع بنتها في مشهد لطيف جدًا ،كنزات شتوي، قبعة بابا نويل، شجرة كريسماس وزينة العيد، الخطوة دي كانت مفاجِئة، بس محسوبة
خصوصًا إن نيكول كانت دايمًا بتأكد في لقاءاتها إنها حريصة على خصوصية بنتها، ورافضة إنها تكبر تحت ضغط الشهرة، وسبق وقالت إنها مش ندمانة إنها اكتفت ببنت واحدة، وإن الأمومة غيرت حياتها ونظرتها لكل حاجة
الأغلب كان داعم ومتحمس، واعتبر إن ظهور بنتها جه في الوقت الصح وبأسلوب راقي، من غير مبالغة ولا ضجيج، وأضاف للأغنية بُعد عاطفي خلاها أقرب للناس ، نيكول سابا أثبتت مرة تانية إنها عارفة توازن كويس بين كونها نجمة وبين دورها كأم، وده اللي خلى الجمهور يحترمها أكتر
وعلى الجانب الفني، نيكول كانت محققة نجاح كبير مؤخرًا في الدراما، خصوصًا بدورها في مسلسل ،وتقابل حبيب، بشخصية رقية العسكري، واللي كانت واحدة من أكتر الشخصيات المؤثرة في رمضان اللي فات
| لمتابعة أهم وأحدث الأخبار انضموا إلينا عبر قناتنا على واتساب (channel whatsapp) .اضغط هنا
نسخ الرابط :
آخر الاخبار
مقالات أخرى من تصنيف : مشاهير وفن
