أخبار
إكتشاف علمي قد يساعد في علاج متلازمة داون!
ثورة جديدة بعالم الطب، رح تصدمكن… فقدر عدد من الباحثين إنن يحذفوا كروموسوم إضافي من خلايا مُنمّاة مخبريًّا، الأمر يلي رح يساعد على علاج متلازمة داون بالمستقبل.
ويذكر إنو هالمتلازمة يلي بتحدث وقت يمتلك الشخص 3 نسخ من الكروموسوم 21 بدلًا من نسختين، بتأثّر على نمو الدماغ، وممكن تسبب إعاقة ذهنية، وصعوبات بالتعلم، ومشاكل صحية أخرى.
واستخدم علماء من جامعة باليابان، تقنية توصف غالبًا بـ”المقص الجزيئي”، وهي أداة لتعديل الحمض النووي، بتقطع الكروموسوم الزائد بالخلايا.
وتمكّن هالنظام المصمم، من تمييز الكروموسوم المُكرر عن النسختين الأصليتين من الوالدين، الأمر يلي بيضمن احتفاظ الخلية بنسخة واحدة من كل والد، بدلًا من نسختين متطابقتين.
وبدأت هالخلايا المُصحّحة تُظهر أنماط أكتر شيوعًا لنشاط الجينات والسلوك الخلوي، وخاصة بالمسارات المرتبطة بنمو الدماغ.
ورغم إنو هالإكتشاف واعد، إلا إنو بعدو بمراحلو الأولى، والطريق طويلة قبل ما يصير علاج عملي.
| لمتابعة أهم وأحدث الأخبار انضموا إلينا عبر قناتنا على واتساب (channel whatsapp) .اضغط هنا
نسخ الرابط :
مقالات أخرى من تصنيف : بيئة وصحة
