من يوسف حداد ..رسالة الى الوالي..
- ثقافة وفن
- Icon News
- 06:14 pm - أغسطس 31 , 2025
كتب الممثل يوسف حداد على صفحته الخاصة عبر الفيسبوك قائلا :
رسالتي ما بعد الاخيرة للرئيس جوزيف عون
وعدتنا بالاصلاح والمحاسبة والحوار واستعادة ودايعنا والحفاظ ع السيادة
واسترجاع الدولة من المافيا وتدخل السفارات السافر
بس ولا شي صار
المجرمين خارج السجون
والمحاصصة تكرست وتقاسم المغانم ع عينك يا تاجر
ودايعنا طارو والمصارف تهنو والمهربين ارتاحو
اخدتو قرار بنزع السلاح بلا حوار وهيدا اخطر ملف بتاريخ لبنان وبيجر لحرب اهلية بدو اياها العدو الصهيو امركي
والسيادة مدعوسة كل يوم الف مرة والعدوان مكملوالقتل عم يكتر
جنرال ليش هيك صار وعم بيصير
مين اهم الكرسي او لبنان
مين اهم المجرمين الناهبين او حقوق الناس
مين اهم العدو او المقاومة
مين اهم زعما الفساد والمافيا او القانون والعدالة والشعب وتعب عمرو
جنرال
اسرع سقوط ممكن يتعرضلو عهد
وابشع خذلان ممكن يصيب المواطن
ولا دولة بدا خير وعزة لبنان اكتر من اهلو
ليش الباب مشرّع للتدخل والتطاول والفرض والتهديد وكأنو صرنا عبيد
كلنا كنا معك وراهنا عليك بس للحقيقة ومتل ما بتعرفني مصدوم وكل يوم سقطة جديدة مريعة
وع فكرة التشكيلات القضائية عطت اول نتيجة وافرجت عن رياض سلامة اكبر واخطر مجرم مالي بالعصر الجديد
وع فكرة القاضية غادة عون بعدا طالبة موعد ومعا مستندات وتحقيقات موثقة بعشرات المليارت
بعتقد هي اهم من ضيوف كتار تاريخن موصوم بالعار
وع فكرة لما اصريت تعين سعيد حاكم مصرف استبشرنا بس للاسف رياض لا راح ولا اجا وطلع عدو الشعب وحبيب المصارف وزعما نهبو وهربو وافسدو
ومش ملحقين ع المهرجانات والعزايم واستقبال اورتاغوس وباراك وأوراق تهديد
مع محبتي واحترامي🙏
نسخ الرابط :
