النجمة الذهبية نوال الزغبي: "من محبة المصريين ليا شالوني بالعربية"
- ثقافة وفن
- Icon News
- 11:38 pm - أكتوبر 21 , 2022
تحدثت الفنانة نوال الزغبي عن كواليس صعودها ع المسرح ورهبتها منه، وذلك خلال حلولها ضيفة على برنامج “أنغام”، المذاع على قناة mbc مصر.
بعض من تصريحات نوال الزغبي في برنامج أنغام
نوال الزغبي: كنت بغني أول مرة على المسرح مع أسماء كبار
كشفت نوال الزغبي خلال البرنامج عن أولى الظهور لها على المسرح في حفل غنائي، فقالت: “كنت خايفة وبنسى الكلام، لأني مش عارفة هما هيحبوني ولا مش هيحبوني، عرفني ولا لا، وكنت بطلع الأول أغني قدام راغب علامة أو الأسماء الكبار دي، كان أخري نص ساعة على المسرح”.
وتابعت: “أول أغنية ليا على المسرح وحياتي عندك، كانت لحن جورج مدريسيون، وهو من الملحنين الجامدين، وعامل أغاني كتير حلوة”.
نوال الزغبي: مكنتش بحب حد يتكلم معايا قبل ما أطلع على المسرح
مكنتش بحب حد يتكلم معايا وأنا طالعة على المسرح أو حد يقولي ممكن نتصور، كنت ببقى مركزة على المسرح أكتر، وكل أما بتشهر أكتر ببقى متشنجة أكتر وإيدي مجمدة.
وتابعت متحدثة عن أولى حفلاتها في مصر، فقالت: “كنت متفقة إني أطلع الساعة 12 طلعت الساعة 3، وكنت مقتولة نوم والدنيا اتقلبت وكل الناس كانوا عرفني، تاني حفلة غنتها بخيمة رمضانية واكتشفت اني طلعت مشهور في مصر”، وأردفت: “الشعب المصري شعب شايلني بقلبه وبعيونه ومرة شالوا العربية بيا وكنت حامل”.
أخر أعمال نوال الزغبي
من ناحية أخرى، كانت أخر أعمال الفنانة نوال الزغبي، طرح أغنية “حفلة”، التي أتت كلماتها:"سابِك إفرحي بشبابِك بوسي إيدك وش وظهر بكرا هيبكي على غيابِك من الفجر لعز الضهر سابِك بكرا هيّجي غيره والأحسن منه كمان وتقولي كتر خيره ده يا ريته عملها زمان حفلة يلا حفلة يلا حفلة فكي أوعي تبقي مرة قافلة واللي فات كأنه كله غفلة فقتي منها خلاص سهرة يلا سهرة يلا سهرة روقي الحياة مش ناقصة قهرة إضحكي خليكي برضو ظاهرة وسط كل الناس يا تعيشي لحد يصونِك يا تعيشي لنفسِك بس يا يحس بإنه في كونِك يا إن شاء الله عنه ما حس ليكي شخصيتك وكيانِك بالك لازم يرتاح عيشي من دلوقتي عشانِك أهو أخد الشر وراح، حفلة يلا حفلة يلا حفلة فكي أوعي تبقي مرة قافلة واللي فات كأنه كله غفلة فقتي منها خلاص سهرة يلا سهرة يلا سهرة روقي الحياة مش ناقصة قهرة إضحكي خليكي برضو ظاهرة وسط كل الناس حفلة يلا حفلة يلا حفلة فكي أوعي تبقي مرة قافلة واللي فات كأنه كله غفلة فقتي منها خلاص سهرة يلا سهرة يلا سهرة روقي الحياة مش ناقصة قهرة إضحكي خليكي برضو ظاهرة وسط كل الناس".
نسخ الرابط :
